मुळशीतील पीएमआरडीए नवे झोन सुनावणींचा मंगळवारपासून, 162 पानांची नोटिस जाहिर, पहिल्या दिवशी सूस, बावधन, नांदे, अंबडवेट,आंबेगावची सुनावणी

महावार्ता न्यूज ः पुणे महानगर प्रदेश विकास प्राधिकरणाच्या नव्या प्रारूप झोनबाबात मुळशीतील सुनावणींचा कार्यक्रम मंगळवार 17 मे पासून सुरू होणार असून पहिल्या दिवशी सूस, बावधन, नांदे, अंबडवेट,आंबेगावची सुनावणी होणार आहे. पिंरगुट, लवळे, उरावडे, भरे , कासारअंबोली, भूकूम व भूगांव एकूण 13 गावांचा समावेश पहिल्या टप्प्यात करण्यात आला आहे. सर्वाधिक अर्ज हे भुकूम गावातून आले आहेत.
पिरंगुट विकसन केंद्रातील 13 गावांची सुनावणी 17 ते 24 मेपर्यंत आकुर्डी येथील पीएमआरडीएच्या मुख्य कार्यालयात होणार आहे. हवेलीची सुनावणी संपली असल्याने आता संपूर्ण मुळशी तालुक्याची सुनावणीस सुरूवात होणार आहे. याबाबत पुणे महानगर प्रदेश विकास प्राधिकरण वेबसाईटवर 162 पानांची नोटिस जाहिर करण्यात आली आहे.

मुळशीतील सुनावणींचा कार्यक्रम पुढीलप्रमाणे
17 मे – सूस, बावधन, नांदे, अंबडवेट,आंबेगाव
18 मे – लवळे, उरावडे, भरे
19मे – पिरंगुट, मुकाईवाडी, कासारअंबोली
23 मे – भूगांव
24 मे – भूकूम

पीएमआरडीने मेट्रोसह नव्या मुळशीचे दिवास्वप्न रंगवत असताना केलेल्या झोन रचनेमुळे भूगावपासून ते मालेपर्यंतचे ग्रामस्थ गोंधळलेले आहेत. अनेक गावात पिढ्यांपिढ्या शेतीवर आरक्षण पडल्याने शेकडो मुळशीकर हवालदिल झाले आहेत. याबाबत मुळशीतील शेतकर्‍यांनी एकीचे दर्शन घडवित सुनावणींची मागणी केली होती. यानुसार पंचायत समितीत मुळशीतील प्रत्येक गावातून तक्रार आल्या होत्या. याची सुनावणी 17 मे पासून होणार आहे.

नव्या झोनचा मुळशी तालुक्यात सर्वात मोठा फटका भुकूम ग्रामस्थांना बसला आहे. बिल्डर्स धार्जिन नवे रस्ते, बस डेपो, क्रीडांगण, रूग्णांलयाची सर्वाधिके आरक्षणे भुकूम गावात पडल्याने अनेक शेतकरी देशोधडीला जातील असे वातावरण तालुक्यात निर्माण झाले आहेत. लवळे व भुकूममध्ये 650 एकरची टाऊनशिपचा आराखडा मंजुर केला आहे. याचा फायदा शेतकर्‍यांचा आताच्या पिढीला होणार का, मूळात मुळशीत मंजुर झालेली म्हाळुंगे सिटी अजून पीएमआरडीने पूर्ण केली नाही. असेच भुकूमबाबत घडले तर शेतकर्‍यांनी किती वर्ष विकासाची वाट पहायची हा मोठा सवाल आहे.

ऑनलाईन आपले नाव पहाण्यासाठी क्लिक करा

https://geoportal.pmrda.gov.in/PMRDADOCs/Info/notice.pdf