पुणे
Trending

मुळशीतील पत्रकार भवनाचा 7 वा वर्धापनदिन उत्साहात साजरा, पत्रकार संघ मुळशीकडून वळसे व यादवराज फड यांना पुरस्कार प्रदान

महावार्ता न्यूज ः  साहित्य हे भावना आणि बुद्धी यातून जन्माला येते . प्रसंगावधान असल्यास घडणाऱ्या प्रसंगातून एखाद्या कांदंबरीचे अथवा कथेचे बीज सापडते. कोणतीही मानवी कृती घडत असताना लेखकाचे लक्ष ती वेधून घेते त्यातला वेगळेपणा टीपून लेखक लिहिता होत असतो. ” असे प्रतिपादन ज्येष्ठ साहित्यिक श्याम मनोहर यांनी केले.
पौड (ता.मुळशी) येथील पत्रकार भवनाच्या सातव्या वर्धापन दिनानिमित्त पत्रकार संघ मुळशीच्यावतीने स्नेहमेळावा व पुरस्कार वितरण समारंभ पार पडला. त्यावेळी प्रमुख पाहुणे म्हणून मनोहर बोलत होते. यावेळी पत्रकार संघाचे माजी सदस्य दिवंगत पत्रकार दत्तात्रेय सुर्वे यांच्या स्मरणार्थ पत्रकारांसाठी दिला जाणारा आदर्श पुरस्कार मंचर (ता. आंबेगाव) येथील दैनिक सकाळचे ज्येष्ठ पत्रकार डी. के. वळसे पाटील यांना, तर दिवंगत व्यंगचित्रकार बापू घावरे यांच्या स्मरणार्थ दिला जाणारा कला क्षेत्रातील गुणवंत कलाकार पुरस्कार पं. भिमसेन जोशी यांचे शिष्य ज्येष्ठ गायक व सर्जनशील संगीतकार यादवराज फड यांना देण्यात आला. श्याम मनोहर यांच्या हस्ते शाल , श्रीफळ व सन्मानचिन्ह देऊन वळसे व फड यांचा सन्मान करण्यात आला.
यावेळी सत्काराला उत्तर देताना वळसे म्हणाले, पत्रकारांनी पत्रकारिता अर्थार्जन म्हणून न करता सामाजिक बांधिलकी म्हणून करावी. पत्रकारिता ही उदरनिर्वाहाचे साधन करू नये. त्यासाठी केवळ पत्रकारितेवर अवलंबून न राहता स्वतंत्र व्यवसाय करावा. बातमी करतांना घटनामधील बारकावे शोधावेत.

यादवराज फड म्हणाले, समाजाला दिशा देण्याचे काम पत्रकार करीत असतात . अन्यायाला वाचा फोडून समस्या सोडावीत असतात परंतु त्यांना त्यातून आर्थिक उत्पन्न अल्प मिळत असते .समाजाने , शासनाने पत्रकारांसाठी आर्थिक स्त्रोत मिळवून दिला तर योग्य होईल.

कार्यक्रमास शरद ढमाले , काका धावडे , सुनील चांदेरे , राजेंद्र बांदल , बाळासाहेब चांदेरे , शंकर मांडेकर , गंगाराम मातेरे , डॉ. दिलीप मुरकुटे , अंकुश मोरे , नाना मारणे , तुषार पवळे , बाळासाहेब भांडे , विलास आमराळे , अविनाश बलकवडे , शिवाजी बलकवडे , संदीप मांडेकर , सचिन खैरे , अशोक धुमाळ , सुरेश हुलावळे , कालिदास गोपालघरे , शांताराम इंगवले , बाबा कंधारे , सविता दगडे , महादेव कोंढरे , बाळासाहेब सणस , संतोष मोहोळ , राम गायकवाड , आबा शेळके , दीपक करंजावणे , ज्ञानेश्वर पवळे , रामदास पवळे , ज्ञानेश्वर एनपुरे , संतोष पवळे , विकास पवळे , अण्णा गोळे , राहुल पवळे , दादाराम मंडेकर , प्रमोद मांडेकर , चंदाताई केदारी , लहू चव्हाण , सुनील वाडकर , स्नेहा साठे , आकाश जाधव, प्रा. सोमनाथ कळमकर, विठ्ठल रानावडे, सागर धुमाळ, सतीश सुतार, अनिल आधवडे, स्नेहल सुर्वे, केतन सुर्वे आदी उपस्थित होते.

यावेळी गंगाराम मातेरे यांनी पत्रकार संघाच्या रिलीफ फंडासाठी एक लाख रुपये निधी देण्याचे जाहीर केले , सुनील चांदेरे यांनी वाचनालयाची पुस्तके देण्याचे जाहीर केले. बाळासाहेब चांदेरे यांनीही मदतीचे आश्वासन दिले. यावेळी राजेंद्र बांदल, सचिन खैरे, रमेश गायकवाड, काका धावडे, महादेव कोंढरे , सुनील चांदेरे , शरद ढमाले याची भाषणे झाली.

पत्रकार संघ मुळशीचे अध्यक्ष नीलेश शेंडे यांनी प्रास्ताविकात संघाच्या कामकाजाचा आढावा घेऊन उपस्थितांचे स्वागत केले. संघाचे कार्यकारिणी सदस्य बबन मिंडे यांनी प्रमुख पाहुणे श्याम मनोहर यांचा परिचय करून दिला. संघाचे माजी अध्यक्ष धोंडिबा कुंभार यांनी यादवराज फड यांचा तर राजेंद्र मारणे यांनी डी. के. वळसे पाटील यांचा परिचय करून दिला.
यावेळी संजय दुधाने, रमेश ससार, दत्तात्रय उभे, सागर शितोळे, महादेव पवार, कालिदास नगरे, राजेंद्रकृष्ण कापसे, प्रदीप पाटील, मकरंद ढमाले, सचिन विटकर, केदार कदम, रामदास दातार, साहेबराव भेगडे, किशोर देशमुख, दत्ता जोरकर, दत्तात्रय नलावडे, बंडू दातीर , विनोद माझीरे, प्रवीण सातव, दीपक सोनवणे, गोरख माझीरे , सचिन केदारी, राजेंद्र गवळी, गणेश अभिमाने, तेजस जोगावडे, प्रतीक्षा ननावरे आदी उपस्थित होते.
प्रदीप पाटील यांनी सूत्रसंचालन केले. बंडू दातीर यांनी आभार मानले.

Share

Maha Varta

महावार्ता हे न्यूज पोर्टल असून देशविदेशासह महाराष्ट्रातील ताज्या घडामोडी मराठी वाचकांपर्यंत देत आहोत.

Leave a Reply

Your email address will not be published. Required fields are marked *

Close
Close