मुंबई : शेवटच्‍या क्षणापर्यंत रंगतदार ठरलेल्‍या महाराष्ट्र ऑलिम्पिक संघटनेच्‍या निवडणूकीत उपमुख्यमंत्री अजित पवार यांची एकमताने निवड चौथ्यांदा अध्यक्षपदी तर वरिष्ठ उपाध्यक्षपदी मुरलीधर मोहोळ यांची एकमताने निवड करण्यात आली. कार्यकारिणीची निवड २३ नोव्हेंबला होणार असल्‍याचे सर्वाधिकार असलेल्‍या अजीत पवार यांनी जाहिर केले. २० कार्यकारिणी आणि ८ नियुक्‍त पदाधिकारी अशी २८ संघटकांची निवड केली जाणार आहे.
मुंबईत संध्यकाळी संपलेल्‍या महाराष्ट्र ऑलिम्पिक संघटनेच्‍या विशेष सभेत उपमुख्यमंत्री अजित पवार यांच्यासह मुरलीधर मोहोळ यांची एकमताने निवड करण्यात आली. सर्व उमेदवारांने अर्ज मागे घेऊन कार्यकारिणी निवडची सर्व अधिकार पवार यांच्‍याकडे देण्यात आली. सचिव पदावर एकमत न झाल्‍याने कार्यकारिणी जाहिर न करण्याचा निर्णय झाला.
विशेष बैठकीला उपमुख्यमंत्री अजित पवार, केंद्रीय राज्यमंत्री मुरलीधर मोहोळ, क्रीडामंत्री माणिकराव कोकाटे, निवडणुक निर्णय अधिकारी निवृत्त जिल्‍हा न्‍यायाधिश एस. एन सरदेसाई उपस्‍थित होते.
रविवारी अध्यक्षपदकासह २१ जणांच्‍या कार्यकरिणीची निवडणुक होणार होती. सर्व उमेदवारांनी अर्ज मागे घेत अजीत पवार यांना एकमुखी पाठिंबा जाहिर केला. सर्वाधिकार पवार यांच्‍याकडे आल्‍यानंतरही कार्यकारिणीच्‍यर नावावर शिक्‍कामोर्तब होऊ शकला नाही. अखेर २० निवडणुकतील आणि ८ नियुक्‍त अशी एकूण 27 पदकाधिकाऱ्यांनी निवड २३ नोव्हेंबला होईल असे घोषित करण्यात आले.
मुख्यमंत्री देंवेद्र फडणवीस बिहारमध्ये असल्‍याने कार्यकरिणीतील नावांचा गुंता कायम राहिला. मुख्यमंऋी मुंबईत आल्‍यानंतर त्‍यांच्‍या समोर अंतिम कार्यकारिणीतील नावांचा फैसला केला जाणार असल्‍याचे समजते.
