स्वान रिसर्च फाऊंडेशनच्या नॉलेज नेक्स्ट ‘नासा ट्रेनिंग प्रोग्राम’ निवडीसाठी सप्टेंबरमध्ये परीक्षा
स्पेस एज्युकेशन संदर्भात शालेय स्तरावरील देशातील पहिलाच प्रयोग
- कोल्हापूर, ता. २८ राजेंद्र मकोटे
अमेरिकेतील नॅशनल एरोनोटिक्स अँड स्पेस ऍडमिनिस्ट्रेशनच्या (नासा) सहकार्याने हन्टस्वीले, अल्बामा येथे उभारलेल्या यूएस स्पेस अँड रॉकेट सेंटरमधील ‘नासा’च्या प्रशिक्षण कार्यक्रमासाठी (नासा ट्रेनिंग प्रोग्राम) महाराष्ट्रात घेण्यात येणारी निवड चाचणी परीक्षा सप्टेंबर २०२६ मध्ये होणार आहे. भारतामध्ये स्वान रिसर्च अँड सोशल स्टडी फाऊंडेशनच्या वतीने निवड चाचणी घेण्यात येणार आहे. इयत्ता सहावी बारावीच्या मुलांना ही परीक्षा देता येणार असून, या परीक्षेसाठी अर्ज करण्याची मुदत 29 २९ जून ते ३१ ऑगस्ट २०२६ अशी असल्याची माहिती स्वान फाऊंडेशनचे संस्थापक अध्यक्ष शशिकांत कांबळे यांनी दिली.
यावेळी सचिव विकास टाकळीकर, कोषाध्यक्ष अक्षय खोब्रागडे, सहसचिव गौरव सोमवंशी,प्रसाद भोपळे, अमन पाचघरे आणि संकेत जैन आदी उपस्थित होते.
शशिकांत कांबळे म्हणाले , “स्वान रिसर्च अँड सोशल स्टडी फाऊंडेशन वतीने भारतामध्ये पहिल्यांदाच २०२३ ला ट्रेनिंग प्रोग्रामच्या निवडीसाठी महाराष्ट्रामध्ये सहावी ते दहावीच्या विद्यार्थ्यासाठी परीक्षा घेण्यात आली. त्या परीक्षेनंतर काही विद्यारर्थ्यांना आलाबमा सेंटर व सिंगापूर सायन्स सेंटरला घेऊन. जाण्यात आले. यावर्षी दुसरी नॉलेज नेक्स्ट परीक्षा आयोजित करण्यात आली आहे. प्रत्येक वर्गासाठी स्वतंत्र प्रश्नपत्रिका असेल. प्रामुख्याने गणित, विज्ञान, भूगोल, बुद्धिमापन यावर आधारित प्रश्नपत्रिका असेल. यामुळे विद्यार्थी चाकोरीबाहेर जाऊन विषयांचा अभ्यास करणार आहेत. शिवाय अंतराळविषयक संशोधन, प्रात्यक्षिके यांचा अभ्यास त्यांना विद्यार्थीदशेत करायला मिळणार असून, येणाऱ्या पिढीसाठी हे महत्त्वाचे आहे.”
विकास टाकळीकर म्हणाले , “ही परीक्षा महाराष्ट्रातील इंग्रजी, सेमी इंग्रजी माध्यमातील शाळांसह जिल्हा परिषद, महानगपालिका, नगरपालिका शाळांचाही समावेश आहे.
या परीक्षेतून निवड होणाऱ्या विद्यार्थ्यांचा ऑक्टोबरमध्ये सत्कार होणार आहे. जानेवारी आणि फेब्रुवारीमध्ये युएस स्पेस अँड रॉकेट सेंटर, हन्टस्वीले, अल्बामा आणि सिंगापूर सायन्स येथे विद्यार्थ्यांना प्रशिक्षणासाठी नेण्यात येईल. अमेरिकेतील स्पेस कॅम्प, न्यूयॉर्क, वॉशिंग्टन, ऑरलॅन्डो या ठिकाणीही विद्यार्थ्यांना घेऊन जाण्यात येणार आहे.”
अक्षय खोब्रागडे म्हणाले, “आज पालक आपल्या मुलाने अनेक रिअॅलिटी शोमध्ये सहभागी व्हावे, याकरिता अनेक प्रयत्न करताना दिसतात. परंतु ही परीक्षा अंतराळ एज्युकेशनच्या दृष्टीने खूप महत्त्वाची असेल.” यावेळी फाऊंडेशनचे सीईओ प्रसाद भोपळे म्हणाले, परीक्षेचे पहिले पारितोषिक आलाबमा येथील स्पेस सेंटर आणि दुसरे पारितोषिक सिंगापूर सायन्स सेंटर स्टडी टूर असे असणार आहे. अधिक माहितीसाठी https://swanrsfoundation.com/swan या संकेतस्थळास भेट द्यावी किंवा +91 84848 72392 या क्रमांकावर संपर्क साधावा असे अवाहन स्वान रिसर्च फाऊंडेशनच्या वतीने करण्यात आले आहे.
—————————————
