महावार्ता न्यूज ः महाविकास आघाडीचे संग्राम थोपटे यांना मुळशीतील आय टी पार्क परिसरातील गावांमध्ये प्रचाराला मोठा प्रतिसाद मिळाला. चांदे, माण, मारूंजी, हिंजवडी, नेरे, कासारसाई, जांबे, ताथवडे, सूस, म्हाळुंगे गावात प्रचारात मोठी गर्दी उसळली होती.
हॅटट्रिक आमदार संग्राम थोपटे यांनी मुळशीतील प्रचाराच्या पाच फेर्यात संपूर्ण मुळशी तालुक्यात गावभेटीचा दौरा पूर्ण केला आहे. या प्रचाराच्या पाचव्या फेरीत जागतिक नकाशावर असलेल्या राजीव गांधी आय टी पार्कच्या गावांचा समावेश होता. काँग्रेसचा बालेकिल्ला असणार्या नव्या कासारसाई- हिंजवडी जिल्हा परिषद गटात आमदार थोपटेंचे जंगी स्वागत करण्यात आले.
रिहे खोरे, घोटावडे नंतर आमदार थोपटे यांनी माण, हिंजवडी, मारूंजी, नेरे, जांबे, ताथवडे व सूस गावात गावभेट दौरा केला. विजयी आमदार असल्यासारखा पाठिंबा या गावातून दिसून आला. सर्वच गावात थोपटेंसह त्यांच्या कार्यकत्यार्ंंचे भव्य स्वागत करण्यात आले. हिंजवडीत बैलगाडीतून केेलेला प्रचार लक्षवेधी ठरली. हिंजवडीतील विविध विकास कामांचे फलक हाती घेत ग्रामस्थांनी थोपटे यांचे अनोखे स्वागतही केले. माजी खासदार नाना नवले यांना मानणारे मोठा वर्ग या भागात आजही असल्याची प्रचिती दौर्यात कार्यकर्त्यांना आली. नाना नवले यांनीही ताथवडे गावात उमेदवार थोपटे यांना शुभेच्छा देत आपला गड कायम राहील अशी ग्वाही दिली. मारूंजीत 50 फूट भव्य हार परिधान करून काँग्रेस उमेदवार संग्राम थोपटे यांचे जंगी स्वागत करण्यात आले. जीपमधून काढलेल्या माण- हिंजवडी फेरीला स्थानिक नागरिकांना मोठा प्रतिसाद दिला.
गावभेट प्रचार सभेत संग्राम थोपटें म्हणाले की, सर्व गावात आपण सातत्याने मायबाप जनतेची काम करत आलो आहेत. याचं कामाच्या जोरावर आपण जनतेपर्यंत जात आहोत.हिंजवडी औद्योगिक क्षेत्रातील विविध रस्त्यांची सुधारणा, पिरंगुट- घोटावडे- माण- हिंजवडी- मारुंजी- कासारसाई रस्ता, पाषाण-सुस- नांदे रस्ता, याच बरोबर गावातील अंतर्गत रस्ते आदी कामे आपल्या माध्यमातून झाली आहेत. या विकास कामामुळे परिसरातील नागरिकांचे जीवनमान उंचावण्यास मोठी मदत झाली आहे. आगामी काळात देखील विविध विकासात्मक कामे आपण याठिकाणी राबवणार आहोत. आपण कायम जनतेची विकासकामे केली आहेत. विकासकामांच्या जोरावर प्रत्येक निवडणुकीत आपला आलेख वाढता आहे यावेळी उच्चांक असेल याबद्दल कुठलेही दुमत नाही. याप्रसंगी महाविकास आघाडीचे पदाधिकारी मा. जिल्हा परिषद अध्यक्षा सविता दगडे, महादेव कोंढरे, गंगाराम मोतेरे, सचिन खैरे, अविनाश बलकवडे, निकिता सणस यांच्यासह कार्यकर्ते, ग्रामस्थ, महिला व तरुण मित्र बहुसंख्येने उपस्थित होते.
