महावार्ता न्यूज : गेल्या पंधरा वर्षात मुळशीतील गाव आणि वाडीवस्तीवर केलेल्या विकास कामामुळे मुळशीतील सामान्य जनता आमच्या पाठीशी आहे. असे मत भोर विधानसभा महाविकास आघाडीचे उमेदवार संग्राम थोपटे यांनी व्यक्त केले. मुळशीतील 22 गावात आज आमदार संग्राम थोपटे यांचा झंझावात पहाण्यास मिळाला.
मुळशी तालुक्यातील गावभेट दौऱ्यादरम्यान मुठा खोऱ्यातील विविध गावे व उरावडे, पिरंगुट, भुगाव, भूकूम येथे उपस्थित राहून ग्रामस्थांच्या भेटी त्यांनी घेतल्या. यावेळी उपस्थित ग्रामस्थांशी संवाद साधला. पदयात्रेलाही मोठा प्रतिसाद पहाण्यास मिळाला.
प्रचारा दरम्यान पिरंगुट येथे बोलताना थोपटे म्हणाले की,आपण आतापर्यंत कुठलाही पक्ष न बदलता कायम एकनिष्ठ राहून केलेलं राजकारण आणि समाजकारण येथील जनतेला देखील पटलेले आहे. मुळशी तालुक्यातील प्रलंबित राहिलेली विकास कामे मार्गी लावण्यासाठी मुळशीकर मतदारांची साथ महत्वाची आहे.याप्रसंगी महाविकास आघाडीचे पदाधिकारी कार्यकर्ते, ग्रामस्थ, महिला व तरुण मित्र बहुसंख्येने उपस्थित होते.
उरावडे येथील सभेत बोलताना मुळशी तालुका काँग्रेस कमिटी अध्यक्ष शिवसैनिकांची भूमिका महत्वाची, गरजुना मदत करण्याचे काम नेहमीच संग्राम थोपटेंनी केले आहे.
याप्रचार दौऱ्यात माजी खासदार अशोक मोहोळ, मा. जिल्हा परिषद अध्यक्षा सविता दगडे,भानुदास पानसरे, लक्ष्मण ठोंबरे, राष्ट्रवादीचे पुणे जिल्हा उपाध्यक्ष महादेव कोंढरे, मुळशी तालुका काँग्रेस अध्यक्ष गंगाराम मातेरे,शिवसेना मुळशी तालुका प्रमुख सचिन खैरे, महिला काॅग्रेस अध्यक्षा निकिता सणस,भोर तालुका शिवसेना प्रमुख शिंदे, प्रकाश भेगडे, संतोष मोहोळ, दादाराम मांडेकर, कैलास मारणे, शिवाजी जांभूळकर, राहूल शेडगे, राहूल जाधव, ज्ञानेश्वर डफळ, सुरेश पारखी, विद्यार्थी अध्यक्ष अभिषेक पारखी, ज्योती मारणे, सचिन किरवे, दगडू काका करंजावणे, राहुल पवळे, मोहन गोळे, राजू पवळे, आकाश जाधव, आकाश मारणे आदी उपस्थित होते.
