बहिणीचे नाव सातबाऱ्यात असताना केले बेकायदेशीर खरेदीखत,
राठी बिल्डर्सची बेकायदेशीर जमीन खरेदी
महावार्ता न्यूज ः मुळशी पॅटर्न चित्रपटासारखे अजून एक जमीन खरेदी घोटाळा पिरंगुटमध्ये उघडकीस आला आहे. पिरंगुट हद्दीतील गट. क्रं. 159 मधील 62 गुंठ्यापैकी 15.5 गुंठे जमीन सखुबाई मोरू दुधाणे असताना शिल्प इस्टेटच्या कांतीलाल मावजी पटेल, नितीन शंभुलाल पटेल, जयंतीलाल मावजी पटेल यांनी बेकायदेशीर खरेदीखत नोंदवले आहे. याबाबत पौड पोलिस स्टेशनमध्ये तक्रार अर्ज दाखल झाला असून तपास सुरू झाला आहे.
पिरंगुट गट. क्रं. 159 मध्ये जमीनीबाबत अप्पर जिल्हाधिकारी कार्यलयात दावा सुरू असताना दुधाणे यांच्या वारसांना पूर्णपणे अंधारात ठेवून शिल्प इस्टेटने मौजे पिरंगुट हद्दीतील गट. क्रं. 159 मधील सर्वच्या सर्व 62 गुंठे जमीन विकली आहे. दुय्यम निबंधक मुळशी, पौडमधील कार्यालयात दस्त क्रमांक 8029/2025 नोंदवून आपल्या हद्दीत हा गुन्हा शिल्प इस्टेटच्या कांतीलाल मावजी पटेल, नितीन शंभुलाल पटेल, जयंतीलाल मावजी पटेल व दुय्यम निबंधक एम व्ही क्षीरसागर यांच्या संगमतीने फसवूणकीचा गुन्हा केल्याची तक्रार नोंदिविण्यात आली आहे.
यापुर्वी मौजे पिरंगुट हद्दीतील गट. क्रं. 159 मधील या जागेबाबत उपविभागीय अधिकारी मावळ-मुळशी उपविभाग पुणे यांच्या न्यायालयात शिल्प इस्टेटच्या कांतीलाल मावजी पटेल, नितीन शंभुलाल पटेल, जयंतीलाल मावजी पटेल यांनी दावा दाखल केला होता. या अपिलाचा दाव्याचा निकाल दुधाणे कुटुंबियांच्या बाजूने लागला. या निकालाच्या अपीलाचा दावा अप्पर जिल्हाधिकारी कार्यलयात दावा सुरू असतानाच, कोणताही निकाल लागला नसताना खरेदी खतावेळी दुय्यम निबंधक एम व्ही क्षीरसागर यांच्या कबुली जबाबात पोकळीस्त नाव असल्याचे खाटे सांगून बेकायदेशिर खरेदी खत नोंदणी कांतीलाल मावजी पटेल, नितीन शंभुलाल पटेल, जयंतीलाल मावजी पटेल यांनी केली आहे. दुय्यम निबंधक एम व्ही क्षीरसागर यांनीही पोकळीस्त नाव असल्याचा सबळ पुरावा अभावी बेकायदेशीर खरेदीखताचा केले असल्याचे तक्रारीत नमूद करण्यात आले आहे.
बेकायदेशिर खरेदी खत नोंदणीमुळे कधीही भरून न घेणारे नुकसान झाले आहे. पटेल व राठी यांच्याकडून आम्हाला एजंटकडून धमक्या येत असल्याने आमच्या जीवाला धोका निर्माण झाला आहे. याबाबतच पौड हद्दीत दस्त नोंदणी केल्याबद्ल कांतीलाल मावजी पटेल, नितीन शंभुलाल पटेल, जयंतीलाल मावजी पटेल व दुय्यम निबंधक एम व्ही क्षीरसागर यांच्यावर कलम 420 अंतर्गत फसवणूकीचा तसेव धमकविण्याचा गुन्हा दाखल करून आम्हाला न्याय मिळवून दयावा अशी मागणी पिडित दुधाणे परिवराकडून पौड पोलिसांना करण्यात आली आहे.
पौड पोलिस स्टेशनचे वरिष्ठ पोलिस निरिक्षक संतोष गिरीगोसावी याबाबत तपास करीत आहेत.
